top of page

【中秋應節生果】邊啲可以同毛孩分享?

已更新:2022年9月23日


生果有益,但大家都知毛孩唔係樣樣都食得,咁到底邊啲可以同佢哋一齊食呢?邊啲又會對佢哋有毒?




「碌柚」

外形渾圓如飽滿明月,象徵團圓之意,並含寓意「祿有」,祝願人們財祿兼收。係中秋一定會見到的生果。


不過,柚皮含刺激毛孩皮膚及呼吸道的成份,對貓貓更是有毒。雖然果肉本身可少量吃,但為毛孩安全都建議避免。

自己剝「碌柚」食時,都記得要清理好濺出的柚皮汁液呀!





「楊桃」

中秋時會見到嘅星星生果。鉀與草酸含量均高,而且含獨有的毒素,對腎臟負擔較大,唔建議有心臟或腎臟疾病的毛孩食用!人類食嘅時候都要注意呀!



「梨」

中秋「吃梨」意旨「把分離吃掉」,代表永遠團圓不分離。清甜潤燥的梨係貓狗都可以安全食用的水果。只要去籽切小塊就可以適量同毛孩一齊分享!


-------------------------------------------------------


其他毛孩可以安全食用的常見水果:

蘋果

藍莓

士多啤梨

香蕉(腎病應避免)

芒果

木瓜

哈密瓜

波蘿(成熟)


無論俾毛孩食邊種生果,都記得一定要去皮去籽同埋適量呀!


342 次查看0 則留言

相關文章

查看全部

Comments


bottom of page